Dwaalspoor (Afrikaans Edition)

Dwaaalboom, 'n dorpie in die bosveld. ʼn Geheimsinnige jong vrou, Jessica, word in haar woonstel vermoor. Haar verlede is in duister gehul: hoekom sou ʼn welgestelde jong vrou, boonop ʼn talentvolle fotograaf, in ʼn kleindorpse apteek gewerk het ? Waarom is die plaaslike veearts so ontwykend oor sy besering ? Waaroor het Jessica en ʼn jong man op ʼn motorfiets so ʼn heftige argument kort voor haar dood gehad? Dui die aard van haar beserings op Oosterse betrokkenheid? Of was daar ʼn jaloerse vrou wat haar uit die weg wou ruim? En hoekom het iemand uit haar verlede haar so dringend kom spreek? 

Karen is die ondersoekbeampte wat die moord moet oplos. Maar sy veg self om oorlewing: haar man keur nie haar loopbaan goed nie; haar seun het vir haar ʼn vreemdeling geword en die moord op haar suster is ʼn las wat sy deurentyd saam met haar dra. Teen die agtergrond van renosterstropery, fotografie en ʼn tipiese plattelandse gemeenskap met hulle eie geheime, moet Karen ʼn moordenaar opspoor in ʼn desperate poging om weer haarself te vind.

Laai hierdie lekkerlees speurverhaal af en lees dit sommer in een aand deur.